လူ(၈)ဦးအထိ ဇီဝိန္ေျခြသြားတဲ့ ‘ဟင္းမ်ိဳးႀကီး’ကို အိႏၵိယအစိုးရ ပုိက္စိပ္တုိက္ရွာေဖြေန

အိႏၵိယအစုိးရ ျပည္နယ္တာဝန္ရွိသူေတြဟာ လူ(၈)ေယာက္ကို ဖမ္းယူစားေသာက္သြားတဲ့ ဟင္းမ်ိဳးႀကီးတစ္ေကာင္ကို ပိုက္စိပ္တုိက္ရွာေဖြေနေၾကာင္း သိရပါတယ္။ ဒီဟင္းမ်ိဳးႀကီးကို ေတြ႕တာနဲ႔ သူတုိ႔ သုတ္သင္ရွင္းလင္းဖုိ႔ အမိန္႔ေပးထားၿပီးၿပီလုိ႔ သိရပါတယ္။ ဟင္းမ်ိဳးႀကီးဆုိတာ လူသားစားက်ားတုိ႔ ျခေသၤ့တုိ႔ကို မုဆုိးေတြက နာမ္ႏွိမ္ၿပီး ေခၚတဲ့ ဘန္းစကားျဖစ္ပါတယ္။

အဆုိပါဟင္းမ်ိဳးႀကီးကို Rajura Tiger သုိ႔မဟုတ္ ‘RT-1’လုိ႔ အမည္ေပးထားပါတယ္။ သူဟာ မၾကာေသးခင္က ထင္းေခြသြားတဲ့ ရြာသားအဖုိးအုိ တစ္ေယာက္ကို ေတာထမ္းမွာပဲ ဖမ္းယူစားေသာက္ခဲ့ပါတယ္။ က်ားကိုက္ခံရသူအမည္ကေတာ့ Maroti Pendor လုိ႔ သိရပါတယ္။ ဒီမတုိင္ခင္မွာ ဟင္းမ်ိဳးႀကီးက အျခားရြာသူရြာသား (၇)ေယာက္ရဲ႕အသက္ကို ဇီဝိန္ေျခြထားခဲ့ၿပီးသားပါ။

ဟင္းမ်ိဳးႀကီးဟာ Khambada နယ္ေျမအဝန္းအဝုိင္းအတြင္းမွာ လႈပ္ရွားေနပါတယ္။ မြန္ဘုိင္းၿမိဳ႕ေတာ္နဲ႔ မုိင္(၄၁၀)ေလာက္အထိ ေဝးၿပီး၊ သစ္ေတာထူထပ္တဲ့ ေဒသျဖစ္ျခင္းေၾကာင့္ ဟင္းမ်ိဳးႀကီးကို ရွာဖုိ႔မလြယ္ပါဘူး။ Maroti ရဲ႕ သားသမီးေတြနဲ႔ ရြာသူရြာသား (၃၀)ေလာက္က သူ႕ကို လုိက္ရွာခဲ့ရာ၊ ကိုယ္လက္အဂၤါအစိတ္အပိုင္းတခ်ိဳ႕ကိုသာ ေတြ႕ရပါေတာ့တယ္။

ေတာထဲမွာ က်ားအေကာင္ေရ ေတာ္ေတာ္မ်ားမ်ား ရွိေပမယ့္ သစ္ေတာတာဝန္ရွိသူေတြက ဒီအမႈေတြကို ဘယ္က်ားက က်ဴးလြန္သလဲဆုိတာသိဖုိ႔ အခ်ိန္ေတာ္ေတာ္ၾကာေအာင္ ေဖာ္ထုတ္ခဲ့ရပါတယ္။ ေနာက္ဆုံးေတာ့ RT-1 ရဲ႕လက္ခ်က္ဆုိတာ သူတုိ႔ သိရွိသြားခဲ့ပါတယ္။ RT-1 ဟာ (၈)ႏွစ္သားအရြယ္သာ ရွိေသးၿပီး၊ ယမန္ႏွစ္ အစပုိင္းေလာက္ကတည္းက ေသာင္းက်န္းေနတာပါ။

လႊတ္ေတာ္အမတ္တစ္ဦးကေတာ့ က်ားကို ႏွိမ္နင္းႏုိင္သူ မည္သူမဆုိ ဆုေငြခ်ီးျမင့္မယ္လုိ႔ ကမ္းလွမ္းထားပါတယ္။ သစ္ေတာတာဝန္ရွိသူေတြကေတာ့ က်ားကို သုတ္သင္လုိက္မွာကို စုိးရိမ္ေနၾကၿပီး၊ သူတုိ႔အေနနဲ႔လည္း က်ားကို ထိမ္းသိမ္းဖုိ႔ မစြမ္းေဆာင္ႏုိင္တဲ့သေဘာမွာ ရွိေနပါတယ္။ ဒီက်ားႀကီးေၾကာင့္ ဒဏ္ရာရရွိသူ (၃)ဦးအထိ ရွိထားတဲ့အတြက္ ေဒသခံေတြကေတာ့ ေတာသြားရမွာကို လန္႔ေနပါသတဲ့။

လူမႈကြန္ရက္ေပၚမွာေတာ့ ေဝဖန္မႈေတြ အမ်ိဳးမ်ိဳးျဖစ္ေနပါတယ္။ တခ်ိဳ႕ကလည္း ဒီဟင္းမ်ိဳးႀကီးကို သုတ္သင္သင့္ေၾကာင္း အၾကံေပးထားေပမယ့္ တိရစာၦန္အခြင့္ေရးကာကြယ္သူေတြဘက္ကေတာ့ အဲဒီအႀကံကုိ လုံးဝလက္မခံပါဘူး။ လူမုဆုိးေတြက သူတုိ႔စားမယ့္အစားအစာကုိ လုယူေနၾကလုိ႔၊ ေတာေကာင္ႀကီးေတြအတြက္ အခက္အခဲျဖစ္ေနရေၾကာင္း၊ လူေတြကသာဆင္ျခင္ရင္ ေတာေကာင္ႀကီးေတြကလည္း စည္းေဖာက္မွာမဟုတ္ဘူးလုိ႔ ေထာက္ျပေနၾကပါတယ္။

ဘာသာျပန္ – လင္းေဇာ္ကုိ

Ref ; The Sun

Unicode

လူ(၈)ဦးအထိ ဇီဝိန်ခြွေသွားတဲ့ ‘ဟင်းမျိုးကြီး’ကို အိန္ဒိယအစိုးရ ပိုက်စိပ်တိုက်ရှာဖွေနေ

အိန္ဒိယအစိုးရ ပြည်နယ်တာဝန်ရှိသူတွေဟာ လူ(၈)ယောက်ကို ဖမ်းယူစားသောက်သွားတဲ့ ဟင်းမျိုးကြီးတစ်ကောင်ကို ပိုက်စိပ်တိုက်ရှာဖွေနေကြောင်း သိရပါတယ်။ ဒီဟင်းမျိုးကြီးကို တွေ့တာနဲ့ သူတို့ သုတ်သင်ရှင်းလင်းဖို့ အမိန့်ပေးထားပြီးပြီလို့ သိရပါတယ်။ ဟင်းမျိုးကြီးဆိုတာ လူသားစားကျားတို့ ခြင်္သေ့တို့ကို မုဆိုးတွေက နာမ်နှိမ်ပြီး ခေါ်တဲ့ ဘန်းစကားဖြစ်ပါတယ်။

အဆိုပါဟင်းမျိုးကြီးကို Rajura Tiger သို့မဟုတ် ‘RT-1’လို့ အမည်ပေးထားပါတယ်။ သူဟာ မကြာသေးခင်က ထင်းခွေသွားတဲ့ ရွာသားအဖိုးအို တစ်ယောက်ကို တောထမ်းမှာပဲ ဖမ်းယူစားသောက်ခဲ့ပါတယ်။ ကျားကိုက်ခံရသူအမည်ကတော့ Maroti Pendor လို့ သိရပါတယ်။ ဒီမတိုင်ခင်မှာ ဟင်းမျိုးကြီးက အခြားရွာသူရွာသား (၇)ယောက်ရဲ့အသက်ကို ဇီဝိန်ခြွေထားခဲ့ပြီးသားပါ။

ဟင်းမျိုးကြီးဟာ Khambada နယ်မြေအဝန်းအဝိုင်းအတွင်းမှာ လှုပ်ရှားနေပါတယ်။ မွန်ဘိုင်းမြို့တော်နဲ့ မိုင်(၄၁၀)လောက်အထိ ဝေးပြီး၊ သစ်တောထူထပ်တဲ့ ဒေသဖြစ်ခြင်းကြောင့် ဟင်းမျိုးကြီးကို ရှာဖို့မလွယ်ပါဘူး။ Maroti ရဲ့ သားသမီးတွေနဲ့ ရွာသူရွာသား (၃၀)လောက်က သူ့ကို လိုက်ရှာခဲ့ရာ၊ ကိုယ်လက်အင်္ဂါအစိတ်အပိုင်းတချို့ကိုသာ တွေ့ရပါတော့တယ်။

တောထဲမှာ ကျားအကောင်ရေ တော်တော်များများ ရှိပေမယ့် သစ်တောတာဝန်ရှိသူတွေက ဒီအမှုတွေကို ဘယ်ကျားက ကျူးလွန်သလဲဆိုတာသိဖို့ အချိန်တော်တော်ကြာအောင် ဖော်ထုတ်ခဲ့ရပါတယ်။ နောက်ဆုံးတော့ RT-1 ရဲ့လက်ချက်ဆိုတာ သူတို့ သိရှိသွားခဲ့ပါတယ်။ RT-1 ဟာ (၈)နှစ်သားအရွယ်သာ ရှိသေးပြီး၊ ယမန်နှစ် အစပိုင်းလောက်ကတည်းက သောင်းကျန်းနေတာပါ။

လွှတ်တော်အမတ်တစ်ဦးကတော့ ကျားကို နှိမ်နင်းနိုင်သူ မည်သူမဆို ဆုငွေချီးမြင့်မယ်လို့ ကမ်းလှမ်းထားပါတယ်။ သစ်တောတာဝန်ရှိသူတွေကတော့ ကျားကို သုတ်သင်လိုက်မှာကို စိုးရိမ်နေကြပြီး၊ သူတို့အနေနဲ့လည်း ကျားကို ထိမ်းသိမ်းဖို့ မစွမ်းဆောင်နိုင်တဲ့သဘောမှာ ရှိနေပါတယ်။ ဒီကျားကြီးကြောင့် ဒဏ်ရာရရှိသူ (၃)ဦးအထိ ရှိထားတဲ့အတွက် ဒေသခံတွေကတော့ တောသွားရမှာကို လန့်နေပါသတဲ့။

လူမှုကွန်ရက်ပေါ်မှာတော့ ဝေဖန်မှုတွေ အမျိုးမျိုးဖြစ်နေပါတယ်။ တချို့ကလည်း ဒီဟင်းမျိုးကြီးကို သုတ်သင်သင့်ကြောင်း အကြံပေးထားပေမယ့် တိရစ္ဆာန်အခွင့်ရေးကာကွယ်သူတွေဘက်ကတော့ အဲဒီအကြံကို လုံးဝလက်မခံပါဘူး။ လူမုဆိုးတွေက သူတို့စားမယ့်အစားအစာကို လုယူနေကြလို့၊ တောကောင်ကြီးတွေအတွက် အခက်အခဲဖြစ်နေရကြောင်း၊ လူတွေကသာဆင်ခြင်ရင် တောကောင်ကြီးတွေကလည်း စည်းဖောက်မှာမဟုတ်ဘူးလို့ ထောက်ပြနေကြပါတယ်။

ဘာသာပြန် – လင်းဇော်ကို

Ref ; The Sun

  • Leave a Comment