သတင်းထုတ်ပြန်ချက်အရ အသက် ၇၁ နှစ် Mr Nad Yisantia (သို့) Khun Ta Nad အမည်ရှိ အဘိုးအိုတစ်ယောက်ဟာ မတော်တဆမှုကြောင့် ခြေထောက်နှစ်ဖက်စလုံး ဆုံးရှုံးခဲ့သော်လည်း သုံးဘီးဆိုင်ကယ်ကိုသုံးပြီး လမ်းဘေးတစ်လျှောက် ပုလင်းများစုဆောင်းကာ အသက်မွေးဝမ်းကျောင်းပြုခဲ့ပါတယ် ။ Khun Tanad ကို မေးမြန်းခြင်းအားဖြင့် သူဟာ လက်မှုပညာများစွာ ကျွမ်းကျင်တယ်လို့ ဆိုပါတယ် ။
ယခင်က သူဟာ ဆောက်လုပ်ရေးလုပ်သားအဖြစ် အသက်မွေးဝမ်းကျောင်းခဲ့ပြီး လွန်ခဲ့တဲ့ ၂၇ နှစ်ခန့်က သူနဲ့ သူ့သားတို့ Nakhon Ratchasima မြို့ရှိ ဆောက်လုပ်ရေးလုပ်ငန်းခွင်သို့ မော်တော်ဆိုင်ကယ် စီးသွားခဲ့ကြပါတယ် ။
ထိုအချိန်မှာ ၁၀ ဘီးကုန်တင်ယာဉ်တစ်စီးက နဲ့မတော်တဆမှုတစ်ခုဖြစ်ခဲ့ပြီး ခြေထောက်နှစ်ဖက် ဆုံးရှုံးသွားခဲ့တာပါ ။ သူ့ရဲ့ ဒဏ်ရာများ သက်သာလာတဲ့အခါ အိမ်သို့ပြန်လာခဲ့ပြီး ကံကောင်းထောက်မစွာ၊ သူတို့ကို အနီးကပ်ဂရုစိုက်ပြီး သူတို့ကို ဘယ်မှမစွန့်ခွာတဲ့ ဇနီးတစ်ယောက်ရှိနေပါတယ် ။
ခြေနှစ်ချောင်းဆုံးရှုံးသော်လည်း သူ့မိသားစုအတွက် ဝန်ထုပ်ဝန်ပိုးမဖြစ်စေချင်တာကြောင့် သုံးဘီးဆိုင်ကယ်နဲ့ စက်ဘီးတာယာများ ပုလင်းများနဲ့ လမ်းဘေးတစ်လျှောက် ပြန်လည်သုံးလို့ရတဲ့ အမှိုက်များကို စုဆောင်းခြင်းဖြင့် အသက်မွေးဝမ်းပြုခဲ့ပါတယ် ။ ပုလင်းများရှာဖွေရန် ပုံမှန်အသုံးပြုတဲ့ လမ်းမှာ ကီလိုမီတာ ၂၀ ကျော်အသွားအပြန် ဖြစ်ပါတယ်။
ကံကြမ္မာအပေါ်မူတည်ပြီး အဘိုးအိုဟာ ပုလင်းစုဆောင်းခြင်းမှ တစ်လလျှင် ဘတ် ၃၀၀ မှ ၅၀၀ ခန့်သာ ရရှိတာပါ ။ အဘိုးက မိသားစုကို ထောက်ပံ့ဖို့နဲ့ အိမ်ကို ပြုပြင်ဖို့ ငွေတွေလိုအပ်တယ်လို့ ထပ်ပြောခဲ့ပါတယ် ။ တစ်ချိန်လုံး သူနဲ့ သူ့မိန်းမက သွပ်ပြားပုံသဏ္ဏာန်ရှိတဲ့ အိမ်တစ်လုံးမှာ နေထိုင်ပြီး မိုးရွာတဲ့ အခါတိုင်း ဆွေးမြေ့နေတဲ့ သွပ်ပေါက်မှတဆင့် ရေများယိုစီးကျလာတာကြောင့် အိပ်ရန်မဖြစ်နိုင်ပါဘူး ။
နံနက်စာနဲ့ ညစာအတွက် အလုပ်လုပ်တဲ့ အခြားမိသားစုတွေလို အဘိုးအိုတို့မိသားစုကလည်း သက်ကြီးရွယ်အိုများ ထောက်ပံ့ကြေးနဲ့ အစိုးရထံမှ ငွေကိုလက်ခံရရှိခဲ့ပါတယ် ။ သူဟာ ပျက်စီးယိုယွင်းနေတဲ့ အိမ်မှာ တစ်သက်လုံးနေရမယ်လို့ သူထင်ခဲ့ပါတယ် ။ ဘယ်လောက်ပဲဒုက္ခိတဖြစ်ပါစေ ၊ ဘယ်လောက်ပဲခက်ခဲပါစေ အဘိုးအိုက အခြားသူတွေ ပရဟိတအသင်းတွေကို အကူအညီမတောင်းခဲ့ပါဘူး ။
မကြာသေးမီက အိမ်သစ်တစ်လုံးဆောက်ရန် ကူညီတဲ့ ပရဟိတအဖွဲ့များနဲ့ အေဂျင်စီများရှိပါတယ် ။ အဘိုးအိုဟာ ကံကြမ္မာအတွက် မခံချင်တဲ့ စိတ်ကြောင့် ခြေနှစ်ချောင်းမပါဘဲ အသက်ရှင်သန်ရန် ဖြစ်နိုင်ခဲ့ပါတယ် ။ အိမ်အသစ်လေးတစ်လုံးရတော့ ပျော်ရွှင်နေခဲ့ပါတယ် ။
အခက်အခဲရှိနေသူတိုင်းကို ကျွန်တော် message တစ်ခုပေးချင်ပါတယ် ။ “ဘဝကို အရှုံးမပေးဘဲ တိုက်ပွဲဝင်ပါ၊ အဘိုးအိုကို ဥပမာအနေနဲ့ကြည့်ပါ၊ သူ့မှာလမ်းလျှောက်ဖို့ ခြေထောက်မရှိပေမယ့် သူကဘယ်သူ့ကိုမှ ဒုက္ခမပေးဘဲ မာန်မာနနဲ့မတ်တပ်ရပ်နိုင်တယ် ။ တစ်နေ့မှာ ငါတို့ရည်မှန်းထားတဲ့အတိုင်း ငါတို့ဘဝမှာ ကောင်းတဲ့အရာတွေကိုတွေ့လာလိမ့်မှာ ဖြစ်ပါတယ် ။ ”
JRose (Mckzone Daily)
